فرمان الہی
نماز کے اوقات
بھارتی اداکارہ اور ٹیلی ویژن میزبان اناسویا بھردواج نے اپنے لباس پر ہونے والی تنقید پر ردعمل کا اظہار کردیا۔
حال ہی میں سوشل میڈیا پر شیئر کیے گئے ایک نوٹ میں جنوبی بھارت کی تیلگو فلم انڈسٹری سے تعلق رکھنے والی 40 سالہ اداکارہ نے کہا کہ بولڈ ہونا کوئی برائی نہیں ہے، مجھے میرے انداز میں زندگی گزارنے سے نہ پرکھیں۔
فلم پشپا اور ہری ہرا ویرا مالو میں اداکاری کے جوہر دکھانے والی انسویا بھردواج نے اس نوٹ میں کسی غصے کا اظہار کیے بغیر اپنے آؤٹ فٹ کے انتخاب پر تنقید کرنے والوں کو مخاطب کرتے ہوئے کہا کچھ افراد میرے لباس پر تنقید کر رہے ہیں۔
اُنہوں نے ان لوگوں سے کہا کہ انھیں اپنے انداز میں زندگی گزارنے پر نہ پرکھیں، دوسروں کو نشانہ بنانے کے بجائے ان سے اختلافات کو قبول کرنا سیکھیں۔
انسویا نے نوٹ کہا وہ ان دنوں اکثر خاموش رہتی ہیں، لیکن اس معاملے پر بات کرنا انھوں نے ضروری محسوس کیا، کیونکہ چند خواتین مقررین سوشل میڈیا چینلز پر انھیں تنقید کا نشانہ بنا رہی ہیں۔
انھوں نے کہا وہ ان خواتین کو جانتی تک نہیں، پھر بھی وہ آزادی سے ان کے بارے میں ذاتی باتیں کر رہی ہیں۔ یہ ٹھیک ہے کہ میں ایک عورت، بیوی اور دو بچوں کی ماں ہوں لیکن مجھے اپنے ذاتی انداز کے مطابق لباس پہننا پسند ہے۔ کچھ لوگوں کا کہنا ہے کہ ماں بننے کے بعد یہ سب مناسب نہیں ہوتا تو میں ان سے پوچھتی ہوں کیا ماں بننے کا مطلب یہ ہے کہ آپ اپنی اصل شخصیت کو چھوڑ دیں؟
