فرمان الہی
نماز کے اوقات
اسپین بھی ان ممالک میں شامل ہو گیا ہے جنہوں نے فلسطینیوں سے یکجہتی کا اظہار کرتے ہوئے اسرائیل کی شمولیت پر یورو ویژن 2026ء میں شرکت نہ کرنے کی دھمکی دی ہے۔
بین الاقوامی میڈیا کی رپورٹ کے مطابق نیدرلینڈز، آئرلینڈ اور سلووینیا کے بعد اسپین نے بھی منگل کے روز اسرائیل کی شمولیت پر یورو ویژن 2026ء میں شرکت نہ کرنے کا اعلان کر دیا۔
رپورٹ میں بتایا گیا کہ یہ فیصلہ ہسپانوی پبلک براڈکاسٹر نے میڈرڈ میں بورڈ میٹنگ کے دوران کیا۔
یہ فیصلہ اس وقت سامنے آیا جب اسپین اور اسرائیل کے درمیان سفارتی تعلقات خراب ہو گئے ہیں۔
یاد رہے کہ اس سے پہلے یوکرین پر حملے کے بعد روس کی یوروویژن میں شرکت پر پابندی عائد کر دی گئی تھی لیکن اسرائیل کو تنازعات کے باوجود بھی گزشتہ 2 سالوں سے مسلسل مقابلے میں شرکت کرنے کی اجازت دی جارہی ہے۔
