فرمان الہی
نماز کے اوقات
کل جماعتی حریت کانفرنس نے 5 اگست مقبوضہ کشمیر میں ہڑتال کا اعلان کردیا۔
کشمیر میڈیا سروس (کے ایم ایس) کے مطابق کل جماعتی حریت کانفرنس نے 2019ء میں ریاست جموں کشمیر کی خصوصی حیثیت چھینے کے غیر قانونی اقدام کے خلاف احتجاج کے طور پر 5 اگست کے دن ہڑتال کا اعلان کیا ہے۔
کل جماعتی حریت کانفرنس نے اس دن کو یومِ استحصال کشمیر کے طور پر منانے کااعلان کیا ہے۔
کل جماعتی حریت کانفرنس کے ترجمان ایڈوکیٹ عبدالرشید منہاس نے زور دیا ہے کہ 5 اگست کو مکمل ہڑتال کر کے بھارت کو یہ پیغام دینا ہے کہ ہم بھارتی حکومت کے غیر قانونی اقدام کو تسلیم نہیں کرتے۔
کل جماعتی حریت کانفرنس کی جانب سے سیاسی نظربندوں کی رہائی اور مسئلہ کشمیر کو اقوام متحدہ کی قراردادوں کے مطابق حل کرنے کا مطالبہ کیا گیا ہے۔
