لاہور(کر ائم رپو رٹر)موٹروے پولیس سینٹرل زون کے تمام دفاتر میں یوم شہدا پولیس کی مناسبت سے تقاریب کا انعقاد کیا گیا۔موٹروے پولیس نے شہدائے پولیس کی قبروں پر فاتحہ خوانی کی اور پھولوں کی چادر چڑھائی گئی۔شہدائے پولیس کو خراج تحسین پیش کرنے کے لیے موٹروے پولیس سینٹرل زون کے تمام دفاتر میں ایک منٹ کی خاموشی اختیار کی گئی۔ ڈی آئی جی سینٹرل زون سید فرید علی شاہ کی ہدایات پر سیکٹر/ بیٹ کمانڈرز بھی شہدا کے ورثا کے گھر گئے ان سے ملاقات کی اور خراج تحسین پیش کیا۔