• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان میں بگڑتی ہوئی صورتحال کاحل مذاکرات میں ہے، حافظ منیر حسین احمد

میرا شہر
کوئٹہ
09 اگست ، 2025
کوئٹہ (پ ر) جمعیت علمائے اسلام کے رہنما حافظ منیر حسین احمد نے کہا ہے کہ بلوچستان میں امن و امان کی بگڑتی ہوئی صورتحال کا پائیدار حل حقیقی سیاسی رہنماؤں اور قبائلی عمائدین کو اعتماد میں لے کر سنجیدہ مذاکرات میں ہے ان خیالات کا اظہار انہوں نے جمعہ کے روز جامعہ مطلع العلوم میں مختلف وفود سے گفتگو کرتے ہوئےکیا انہوں نے کہا کہ بولان سمیت مختلف علاقوں میں راستوں اور موبائل انٹرنیٹ سروس کی بندش مسائل کے حل کی بجائے عوامی مشکلات میں اضافے کا باعث بنتی ہے وفاقی حکومت اور مقتدر قوتیں اگر واقعی بلوچستان کے مسائل حل کرنے میں مخلص ہیں تو انہیں فوری طور پر عملی سنجیدگی اور بصیرت کا مظاہرہ کرنا ہوگاحافظ منیر حسین احمد نے کہا کہ بلوچستان میں صاف اور شفاف انتخابات کرائے جائیں تو نہ صرف عوام کا اعتماد بحال ہوگا بلکہ امن و امان کی صورتحال میں بھی نمایاں بہتری آئے گی انہوں نے ماضی کے انتخابی عمل کو سخت تنقید کا نشانہ بناتے ہوئے کہا کہ بدترین انتخابات اور ان کے نتیجے میں بننے والی حکومت سے مسائل کے حل کی امید رکھنا نادانی ہے۔
کوئٹہ سے مزید