فرمان الہی
نماز کے اوقات
واقعہ ہیوسٹن کے جنوب مغربی علاقے ساؤتھ ولکریسٹ ڈرائیو میں واقع شوگر پارک پلازہ کے سامنے پیش آیا۔
سی سی ٹی وی وڈیو کے مطابق خاتون جمعہ کو سامان لیے جارہی تھیں کہ پیچھے سے آنے والے سنگدل شخص نے انہیں کنکریٹ پر دھکا دیدیا۔
منہ کے بل گرنے سے خاتون کی ناک کی ہڈی فریکچر ہوگئی اور چہرے کے دیگر مقامات پر بھی شدید چوٹیں آئیں۔
تاحال نہ تو ملزم کی شناخت کی جاسکی ہے اور نہ ہی پولیس واقعہ کی وجہ جان سکی ہے۔
خاتون کے بیٹے ظہیر کا کہنا ہے کہ اسکی والدہ اسکارف پہنے ہوئے تھیں اور ممکنہ طور پر حملہ آور نے انہیں مسلمان خاتون سمجھ کر نشانہ بنایا۔
متاثرہ امریکن پاکستانی خااندان نے پولیس رپورٹ درج کرا دی ہے۔
پولیس کا کہنا ہے کہ ملزم کو گرفتار کرلیا گیا تو اسے سنگین جرم میں ملوث ہونے کے الزام کا سامنا ہوگا۔
