• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک میں ایک ہفتے کے دوران مہنگائی کی شرح میں 0.31 فیصد اضافہ

آج کا اخبار
اہم خبریں
16 اگست ، 2025
اسلام آباد (آن لائن) ملک میں ایک ہفتے کے دوران مہنگائی کی شرح میں 0.31 فیصد اضافہ ہوگیا، ہفتہ وار مہنگائی کی سالانہ شرح 2.21 فیصد پر چلی گئی، 17 اشیا ضروریہ کی قیمتوں میں اضافہ ریکارڈکیا گیا اور9 اشیا کی قیمتوں میں کمی جبکہ 24 کی قیمتیں مستحکم رہیں۔ ادارہ شماریات نے ہفتہ وار بنیادوں پر مہنگائی کے اعداد و شمار جاری کر دیئے۔ ادارہ شماریات کے مطابق گندم کا آٹا 21 روپے 18 پیسے فی تھیلا مہنگا ہوا، پیاز، لہسن، چائے کی پتی، جلانے کی لکڑی، مٹن، خشک دودھ، صابن، بیف بھی مہنگی ہونے والی اشیاء میں شامل ہیں۔ رپورٹ کے مطابق ہفتہ وار مہنگائی کی سالانہ شرح 2.21 فیصد پر چلی گئی، ادارہ شماریات کی رپورٹ کے مطابق ایک ہفتے کے دوران 17 اشیا ضروریہ کی قیمتوں میں اضافہ ریکارڈ، 9 اشیا کی قیمتوں میں کمی، 24 کی قیمتیں مستحکم رہیں، ایک ہفتے میں ٹماٹر کی قیمت میں 10 روپے 42 پیسے اضافہ ہوا، ادارہ شماریات کے مطابق چکن 19 روپے 67 پیسے، انڈے فی درجن 6 روپے 19 پیسے مہنگے ہوگئے۔ ایک ہفتے کے دوران چینی فی کلو 52 پیسے تک مہنگی ہو گئی۔ ادارہ شماریات کے مطابق گزشتہ ہفتے کے دوران گندم کا آٹا 21 روپے 18 پیسے فی تھیلا مہنگا ہوا۔ رپورٹ کے مطابق پیاز، لہسن، چائے کی پتی، جلانے کی لکڑی سمیت مٹن ،خشک دودھ، صابن، بیف بھی مہنگی ہونے والی اشیاء میں شامل ہیں۔ رپورٹ کے مطابق گزشتہ ایک ہفتے کے دوران کیلے فی درجن تقریباً 4 روپے سستے ہوئے، ایک ہفتے کے دوران آلو 1 روپے 37 پیسے تک سستے ہوئے،گزشتہ ہفتے ایل پی جی کا گھریلو سیلنڈر 10 روپے 39 پیسے سستا ہوا،دال مسور،چنے،چاول اور نمک بھی سستی ہونے والی اشیاء میں شامل ہیں جبکہ تازہ دودھ، دہی، سگریٹ، بریڈ سمیت 25 اشیاء کی قیمتیں مستحکم رہیں۔
اہم خبریں سے مزید