• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی ٹیرف کے سائے میں مودی کے خود انحصاری اعلانات

آج کا اخبار
اہم خبریں
16 اگست ، 2025
نئی دہلی (اے ایف پی)امریکی ٹیرف کے سائے میں مودی کے خود انحصاری اعلانات،بھارتی وزیر اعظم نریندر مودی نے یومِ آزادی پر لال قلعے سے خطاب میںمہم جوئی کا سخت جواب دینے کی گیدڑ بھبکی دی اور کہا کہ خون اور پانی ساتھ نہیں بہہ سکتے۔انہوں نے کسانوں کے مفادات کے تحفظ کا وعدہ کیا اور زور دیا کہ بھارت کو عالمی معاشی خود غرضی کے ماحول میں اپنی طاقت پر انحصار کرنا ہوگا۔ انہوں نے توانائی میں خود انحصاری، دفاعی نظام کی مقامی تیاری اور قومی مفادات کے مضبوط دفاع کا عزم ظاہر کیا۔ یہ بیان ایسے وقت آیا جب امریکہ نے روسی تیل کی خریداری بند نہ کرنے پر بھارت کو 27 اگست سے درآمدی ٹیرف 25 سے 50 فیصد تک بڑھانے کی دھمکی دی ہے۔ مودی نے کہا کہ خود انحصاری ترقی یافتہ بھارت کی بنیاد ہے اور ملک کو سیمی کنڈکٹر چپس، لڑاکا طیاروں کے انجن، فوجی ساز و سامان، اسپیس اسٹیشن اور آئندہ دہائی میں دفاعی شیلڈ بنانے پر کام کرنا ہوگا۔
اہم خبریں سے مزید