فرمان الہی
نماز کے اوقات
خیبرپختونخوا حکومت نے کلاؤڈ برسٹ اور موسمیاتی تبدیلی کی تحقیقات کرنے کا فیصلہ کیا ہے۔
سرکاری ذرائع کے مطابق تحقیقاتی ٹیم صوبے میں حالیہ کلاؤڈ برسٹ پیدا ہونے کے حوالے سے تحقیقات اور کلائمیٹ چینج کی وجوہات کا تعین کرے گی۔
ذرائع کا کہنا ہے کہ یہ ٹیم وفاقی وزارت ماحولیات، سپارکو اور پاکستان فارسٹ انسٹیٹیوٹ کے ماہرین پر مشتمل ہوگی جو بونیر اور صوابی سمیت سیلاب زدہ علاقوں کا دیگر علاقوں سے موسمیاتی موازنہ کرے گی۔
ذرائع کے مطابق ٹیم موسمیاتی تبدیلیوں کے اثرات اور 20 سالوں کے موسمی ریکارڈ کا جائرہ لے کر رپورٹ مرتب کرے گی اور سیلاب آنے کی وجوہات اور اس سے علاقوں کو محفوظ بنانے کے اقدامات کا تعین کرے گی۔
سیکریٹری محکمہ جنگلات شاہد زمان نے جیو نیوز سے بات چیت کرتے ہوئے کہا ہے کہ موسمیاتی تبدیلی اور سیلاب زدہ علاقوں میں سیلابی صورتحال کی وجوہات جاننے کیلئے کمیٹی قائم کریں گے، کے پی سمیت ملک بھر میں موسمیاتی تبدیلی کی بڑی وجہ ترقی یافتہ ممالک کی انڈسٹریز ہیں۔
شاہد زمان کا کہنا ہے کہ گرین گیسز اور موسمیاتی تبدیلی کے اثرات سے محفوظ رہنے کیلئے شجرکاری کی ہے۔
