• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریلوے سے پیپلز ٹرین سروس کے معاملات جلد طےکئے جائینگے ، لیاقت لہڑی

میرا شہر
کوئٹہ
23 اگست ، 2025
کوئٹہ(اسٹاف رپورٹر)پارلیمانی سیکرٹری برائے ٹرانسپورٹ میر لیاقت لہڑی نے کہا ہے کہ عوام کو تمام تر سہولیات کی فراہمی حکومت کی ترجیحات میں شامل ہے ،حکومت عوام کو سفر کی جدید سہولیات کی فراہمی کیلئے تمام رت دستیاب وسائل بروئے کار لارہی ہے ، پیپلز ٹرین سروس شروع کرنے سے متعلق ریلوے سے معاملات جلد طے کرلئے جائیں گے ۔ یہ بات انہوں نے جمعہ کو عوام کو سفر کی سہولیات کی فراہمی سے متعلق سہولیات کا جائزہ لینے کیلئے منعقدہ اجلاس سے خطاب کرتے ہوئے کہی ، اجلاس میں سیکرٹری ٹرانسپورٹ حیات خان کاکڑ ، شکیل احمد بلوچ سمیت دیگر حکام نے شرکت کی ۔انہوں نے کہا کہ حکومت بلوچستان نے کوئٹہ میں عوام کی سہولت کیلئے گرین بس سروس شروع کی جس سے روزانہ ہزاروں افراد استفادہ کررہے ہیں وزیراعلیٰ کی ہدایت پر عوام کو بہتر سفری سہولیات کی فراہمی کیلئے 21 نئی بسیں خرید لی گئی ہیں جو جلد کوئٹہ پہنچ جائیں گی ان میں سے 17 بسیں کوئٹہ اور 4 تربت کے عوام کیلئے مختص ہیں ،مزید بسیں آنے کے بعد کوئٹہ کے دیگر علاقوں میں بھی سروس شروع کی جائے گی ۔ انہوں نے کہا کہ وزیراعلیٰ بلوچستان نے عوام کو سفر کی سہولیات فراہم کرنے کیلئے پیپلز ٹرین سروس شروع کرنے کا اعلان کیا اس حوالے وفاقی وزیر ریلوے نے ہرممکن تعاون کی یقین دہانی کرائی ہے اس سلسلے میں معاملات جلد طے کئے جائیں گے ۔ اجلاس کو بتایا گیا کہ وزیراعلیٰ بلوچستان میرسرفراز بگٹی کی طرف سے وکلاء کیلئے اعلان کردہ 100 اسکوٹیز اور بس کی فراہمی کیلئے ٹینڈر آئندہ ایک دو روز میں کردیا جائے گا۔
کوئٹہ سے مزید