فرمان الہی
نماز کے اوقات
کینسر کے عارضہ میں مبتلا ٹک ٹاک اسٹار نتاشا ایلن 28 برس کی عمر میں چل بسیں، وہ کئی برسوں سے اسٹیج 4 کینسر کے خلاف لڑ رہی تھیں اور اپنی ہمت، مثبت سوچ اور حوصلہ افزائی سے لاکھوں دلوں کو چھو چکی تھیں۔
نتاشا ایلن نے اپنی بیماری کا اعلان 2020ء میں کیا تھا جب ڈاکٹروں نے ان کے گھٹنے میں مہلک رسولی دریافت کی تھی، بعد ازاں ایک سال کے اندر ہی ان کا کینسر بڑھ کر اسٹیج فور سنوویئل سارکوما میں تبدیل ہو گیا، جس میں زندہ بچنے کے امکانات صرف 15 فیصد تھے۔
اس کے باوجود انہوں نے ہمت نہیں ہاری اور اپنے سفر کو سوشل میڈیا پر شیئر کرنا جاری رکھا۔
ان کے مداحوں کے مطابق نتاشا کی ایمانداری اور بہادری نے انہیں لاکھوں لوگوں کے لیے امید اور حوصلے کی علامت بنا دیا۔
ان کے سوشل میڈیا اکاؤنٹس پر ہمیشہ ان کی بیماری کے خلاف جدوجہد، علاج کی تفصیلات، شکرگزاری اور زندگی کے بارے میں مثبت پیغامات دیکھنے کو ملتے تھے۔
ان کی موت کی خبر ان کی ٹیم نے سوشل میڈیا کے ذریعے دی اور بتایا کہ نتاشا ایک خوبصورت روح تھیں، جو محبت، مہربانی اور خوشی سے بھری ہوئی تھیں، وہ اپنے فالوورز کی زندگیوں میں روشنی بن کر رہیں اور کینسر آگاہی کے لیے ایک بڑی آواز ثابت ہوئیں۔
