فرمان الہی
نماز کے اوقات
حیدرآباد (بیورو رپورٹ) محکمہ بجلی کی تقسیم کارکمپنیوں اور قومی اداروں کی نجکاری و ٹھیکیداروں کے حوالے کرنا ملک دشمن اقدامات ہیں جس کی وجہ سےملک میں بے روزگاری، جرائم اور لاقانونیت میں مزید اضافہ ہوگا حکومت آئیسکو‘ فیسکو‘ گیپکو اور لیسکو جیسی منافع بخش کمپنیوں کو نجکاری اور حیسکو ، سیپکو کمپنیوں کو ٹھیکیداری نظام کے تحت سیاسی باز دیگروں کو بطور سیاسی رشوت دینا چاہتی ہے یہ اقدام ملک کے غریب عوام اور محنت کشوں کیلئے ظلم و زیادتی کے مترادف ہے جسکی کسی طور حمایت نہیں کی جاسکتی۔ ان خیالات کا اظہار سندھ بھر کی مختلف ٹریڈ یونینز پیپلز مزدور یونین‘ فاران شوگر ملزشیخ بھرکیو کے جنرل سیکریٹری غلام رسول ‘ فوڈ گرین گودام ورکرز یونین کے جنرل سیکریٹری محمد اسحاق‘ ایگریکلچرل ایکسٹینشن اسٹاف یونین کے جنرل سیکریٹری عبدالرشید قمبرانی‘ ایری گیشن لیبر یونین کے جنرل سیکریٹری محمد بچل ‘ ٹاؤن میونسپل کمیٹی ورکرز یونین ضلع ٹنڈو الہ یار کے جنرل سیکریٹری مختیار ملاح ، الشہباز ورکرز یونین کے صدر منظور بلیدی ، مہران ورکرز یونین حیدرآباد کے جنرل سیکریٹری محمد اسلم عباسی اور آل پاکستان فیڈریشن آف ٹریڈ یونینز کے مرکزی نائب صدر محبوب علی قریشی و دیگر یونین نمائندگان نے اپنے مشترکہ بیان میں کیا۔
