فرمان الہی
نماز کے اوقات
کراچی (مانیٹرنگ ڈیسک )اسرائیلی وزیر اعظم بنیامین نیتن یاہونے ایک بار پھر دھمکی دیتے ہوئے کہاہے کہ اسرائیل حماس کے رہنماؤں پر حملے جاری رکھے گا چاہے وہ کہیں بھی ہوں‘ہر ملک کو اپنی سرحدوں سے باہر اپنا دفاع کرنے کا حق حاصل ہےجبکہ امریکی صدر ڈونلڈٹرمپ کا کہنا ہے کہ حماس کے خلاف کارروائی ضروری ہے لیکن اسرائیل محتاط رہے ۔مقبوضہ بیت المقدس میں اسرائیلی وزیر اعظم کے ہمراہ پریس کانفرنس کرتے ہوئے امریکی وزیر خارجہ مارکو روبیو نے غزہ میں اپنے اہداف کے حصول کے لیے اسرائیل کی مستقل حمایت کا وعدہ اور حماس کے خاتمے کا مطالبہ کیا۔مارکو روبیو نے صحافیوں کو بتایا کہ غزہ کے لوگ ایک بہتر مستقبل کے مستحق ہیں لیکن یہ مستقبل اس وقت تک شروع نہیں ہو سکتا جب تک حماس کا خاتمہ نہیں ہو جاتا۔انہوں نے کہاکہ آپ ہماری غیر متزلزل حمایت اور ایسا کرنے کے عزم پر بھروسہ کر سکتے ہیں۔نیتن یاہو نے مارکو روبیو کو مخاطب کرتے ہوئے کہا کہ آج یہاں آپ کی موجودگی ایک واضح پیغام ہے کہ امریکا اسرائیل کے ساتھ کھڑا ہے۔نیتن یاہو نے امریکی وزیر خارجہ سے بات چیت کے بعد کہا کہ ٹرمپ وائٹ ہاؤس میں اسرائیل کے اب تک سب سے بڑے دوست ہیں۔
