• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاؤ میڈیکل یونیورسٹی اور لاڑکانہ یونیورسٹی کے مستقل وائس چانسلر کا نوٹیفکیشن جاری

آج کا اخبار
اہم خبریں
16 ستمبر ، 2025
کراچی( سید محمد عسکری) سندھ کی دو جامعات ڈاؤ میڈیکل یونیورسٹی اور لاڑکانہ یونیورسٹی کے لیے مستقل وائس چانسلر کے تقرری کا نوٹیفکیشن پیر کو جاری کردیا گیا ہے۔ سیکریٹری بورڈز و جامعات عباس بلوچ کے جاری کردہ نوٹیفکیشن کے مطابق دونوں تقرریاں چار برس کے لیے کی گئی ہیں تفصیلات کے مطابق وزیر اعلی سندھ نے ڈاؤ میڈیکل یونیورسٹی میں پہلے نمبر پر آنے والی ڈاکٹر نازلی حسین کے نام کی بطور وائس چانسلر منظوری دی تھی۔ انھوں نے 74.80 نمبر لیے تھے۔ ڈاکٹر جہاں آراء حسن نے 70.33 جب کہ ڈاکٹر سید خالد اشرفی نے 62.20 نمبر لیے تاہم ان کی سیکورٹی کلیئرنس نہیں ہوسکی۔ لاڑکانہ یونیورسٹی کے لیے پہلے نمبر پر آنے والے امیدوار ڈاکٹر نیک محمد شیخ کے نام کی بطور وائس چانسلر منظوری دی گئی تھی انھوں نے 71.83 نمبر حاصل کیئے۔ ڈاکٹر امام الدین کھوسو نے 65.60 اور ڈاکٹر سید منیر احمد شاہ نے 64 نمبر حاصل کیئے تھے۔ ڈاکٹر نازلی حسین اور ڈاکٹر نیک محمد شیخ اپنے عہدوں کا چارج سنبھال کر کام شروع کردیا ہے۔
اہم خبریں سے مزید