فرمان الہی
نماز کے اوقات
کراچی (اسٹاف رپورٹر ) سندھ ہائی کورٹ نے کراچی کی 8 انسداد دہشت گردی کی عدالتیں انسداد منشیات کی عدالتوں میں تبدیل کردیں ، ملزم ارمغان کا ریمانڈ نہ دینے والے اے ٹی سی کورٹ نمبر ایک کے جج ذاکر حسین کو انسداد منشیات کورٹ کا جج مقرر کردیا گیا، کراچی کی 6 انسداد دہشت گردی کی خصوصی عدالتیں کافی عرصے سے خالی تھیں جس میں سے 5 انسداد دہشت گردی کی عدالتوں کو انسداد منشیات میں تبدیل کردیا گیا، کراچی کی 3 انسداد دہشت گردی کی عدالتوں کو شہید بے نظیر آباد، میرپورخاص اور لاڑکانہ منتقل جبکہ حیدرآباد اور سکھر میں موجود خصوصی عدالتوں کو منشیات کی عدالتوں میں تبدیل کیا گیا ہے، رجسٹرار سندھ ہائی کورٹ نے سیکریٹری داخلہ کو خط لکھ دیا، سندھ ہائی کورٹ نے انسداد دہشت گردی کراچی کی 12 خصوصی عدالتوں کو ازسرنو منظم کردیا، قائم مقام چیف جسٹس سندھ ہائیکورٹ نے وقتی طور پر انسداد دہشتگردی عدالتیں منظم کرنے اور منشیات کی عدالتوں میں تبدیل کرنے کی اجازت دیدی ہے، حتمی نوٹی فکیشن محکمہ داخلہ جاری کریگا۔
