فرمان الہی
نماز کے اوقات
کراچی (نیوز ڈیسک، ایجنسیاں) گورنر اسٹیٹ بینک جمیل احمد نے کہا ہے کہ شرح سود میں کمی سیلاب نقصانات اور آئی ایم ایف جائزے پر منحصر ہے، مہنگائی کی شرح قلیل مدت میں 5 سے 7 فیصد ہدف سے زائد رہ سکتی ہے، مجموعی طور پر مہنگائی مرکزی بینک کے ہدف میں رہے گی، سخت مانیٹری پالیسی نے مہنگائی میں کمی میں کلیدی کردار ادا کیا، سخت مانیٹری پالیسی آئندہ بھی فائدہ مند ہوگی، مانیٹری اور اقتصادی پالیسیوں میں ہم آہنگی اچھے نتائج دے رہی ہے۔ پاکستان کے مرکزی بینک کے گورنر جمیل احمد نے بلومبرگ کو دیئے گئے ایک انٹرویو میں کہا کہ مزید پالیسی ریٹ میں کمی کا فیصلہ حالیہ سیلابوں کے اقتصادی اثرات اور جاری آئی ایم ایف کے جائزے کے نتائج پر منحصر ہوگا۔ گورنر اسٹیٹ بینک بتایا کہ مرکزی بینک کی سخت مانیٹری پالیسی نے مہنگائی کو کنٹرول کرنے میں اہم کردار ادا کیا اور مستقبل میں بھی مؤثر رہے گی۔انہوں نے کہا کہ پالیسی ریٹ مثبت ہے کافی حد تک مثبت اور اس قسم کا سخت رویہ مہنگائی کو کنٹرول کرنے میں مددگار رہا ہے۔
