فرمان الہی
نماز کے اوقات
خوبصورتی کا انجیکشن لگانے سے امریکی اداکارہ کے مرنے پر بیوٹیشن کو اداکارہ کی موت کا مجرم قرار دے دیا گیا۔
امریکی میڈیا کے مطابق کیلیفورنیا کی ایک خاتون جسے ’’بٹ لیڈی‘‘ کے نام سے جانا جاتا ہے، کو جمعرات کے روز عدالت نے ٹی وی اداکارہ سِنڈیانا سینٹانجلو کے قتل کا مجرم قرار دیا۔
55 سالہ لیبی ایڈمے کو بغیر لائسنس کے طبّی عمل کے الزامات میں سزا سنائی گئی۔ استغاثہ کے مطابق 58 سالہ اداکارہ سِنڈیانا سینٹانجلو کی موت24 مارچ کو اُس وقت ہوئی جب ان کے جسم میں غیر قانونی سلیکون انجیکشن لگایا گیا، جس کے باعث ان کی رگوں میں ایمبولزم (خون کے لوتھڑے یا دیگر مواد) پیدا ہوا، جس کے بعد اداکارہ کو اسپتال منتقل کیا گیا مگر وہ جانبر نہ ہوسکی۔
رپورٹ کے مطابق مجرم قرار دی گئی خاتون لیبی ایڈمے اس سے قبل 2019 میں اسی نوعیت کے ایک کیس میں سزا پاچکی ہیں، ایڈمے کی سزا کا حتمی اعلان 5 نومبر کو کیا جائے گا۔
اداکارہ سِنڈیانا سینٹانجلو نے مقبول ٹی وی سیریز ’’میریڈ ود چلڈرن‘‘ سے شہرت پائی تھی، وہ 2 بچوں کی ماں تھیں، انہوں نے 1989 میں مشہور میوزک ویڈیو ’’بسٹ آ موو‘‘ سے کیریئر کا آغاز کیا تھا۔
