• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

1 کروڑ 6 لاکھ بچوں کو قطرے پلانے کا ہدف، انسداد پولیومہم کا آغاز

آج کا اخبار
ملک بھر سے
14 اکتوبر ، 2025
کراچی ( اسٹاف رپورٹر)وزیراعلیٰ سندھ مراد علی شاہ نے کراچی میٹروپولیٹن کارپوریشن (کے ایم سی) گِزری میٹرنٹی ہوم میں دو نومولود کو پولیو کے قطرے پلا کر سندھ بھر میں انسداد پولیو مہم کا آغاز کردیا ۔ اس موقع پر وزیراعلیٰ سندھ سید مراد علی شاہ نےکہا کہ پولیو کا خاتمہ ہماری اخلاقی ذمہ داری ہے۔ ہر بچہ صحت مند اور محفوظ مستقبل کا حقدار ہے، 1کروڑ 6لاکھ بچوں کو قطرے پلانے کا ہدف 80 ہزار ورکرز اور 21 ہزار سیکورٹی اہلکار حصہ لے رہے ہیں،یہ ہفتہ بھر جاری رہنے والی مہم 13 سے 19 اکتوبر تک چلائی جائے گی۔ ۔ وزیراعلیٰ مراد علی شاہ نے تمام اضلاع میں مہم کی مکمل نگرانی پر زور دیتے ہوئے بتایا کہ ٹیمیں گھر گھر جا کر ناصرف پولیو کے قطرے پلائیں گی بلکہ وٹامن اے کے سپلیمنٹس بھی فراہم کریں گی۔ انہوں نے سندھ میں اس سال پولیو کے نو نئے کیسز رپورٹ ہونے اور ماحولیاتی نمونوں میں وائرس کی موجودگی پر تشویش کا اظہار کرتے ہوئے والدین پر زور دیا کہ وہ اپنے بچوں کو لازمی قطرے پلائیں۔
ملک بھر سے سے مزید