فرمان الہی
نماز کے اوقات
اسلام آباد (ساجد چوہدری )گزشتہ سال 10100ملین ڈالر غیر ملکی قرضے لئے گئے، تفصیلات پارلیمنٹ میں پیش، 29بین الاقوامی قرضوں میں سے گزشتہ مالی سال 6682ملین ڈالر جاری ہوئے ، حکومت نے گزشتہ مالی سال یکم جولائی 2024تا 30جون 2025کے دوران کتنے بین الاقوامی قرضے حاصل کئے ، ا ن کی تفصیلات پارلیمنٹ میں پیش کر دی گئی، وزارت اقتصادی امور کی طرف سے پارلیمنٹ میں پیش کردہ تفصیلات میں بتایا گیا کہ گزشتہ مالی سال کے دوران کثیر الرکنی اور دو طرفہ ترقیاتی شراکت داروں اور کمرشل بینکوں سے مجموعی طور پر 29 بین الاقوامی قرضے حاصل کئے گئے ۔ سابقہ مالی سال میں توثیق شدہ غیر ملکی قرضوں کی کل رقم 10100اعشاریہ 85ملین امریکی ڈالر تھی جبکہ اس میں سے6682اعشاریہ 4ملین ڈالر کے قرضوں کو سابقہ مالی سال میں جاری کیا گیا، حکومت نے پارلیمنٹ کو ان قرضوں کی منصوبہ وار استعمال کی تفصیلات بھی فراہم کی ہیں ۔
