فرمان الہی
نماز کے اوقات
کراچی (اسٹاف رپورٹر) ایشیا کپ میں بھارتی ٹیم کی جانب سے پاکستانی کھلاڑیوں سے ہاتھ نہ ملانے پر آسٹریلوی کھلاڑی اور سپورٹ اسٹاف نے ’بھارتی کرکٹرز کا تمسخر اڑایا ہے۔ ایک طنزیہ ویڈیو جاری کی گئی ہے جس میں بھارتی ٹیم کے ہاتھ نہ ملانے کا مذاق اڑایا گیا ہے۔ جوش ہیزل ووڈ، گلین میکسویل اور مچل مارش سمیت دیگر کھلاڑیوں کی ویڈیو سوشل میڈیا پر شیئر کی گئی ہے ۔ آسٹریلین ٹیم کے سپورٹ اسٹاف نے کہا ہاتھ تو یہ (بھارتی کھلاڑی) ملاتے نہیں، انہیں کس طرح ڈیل کرنا ہے؟ ہیزل ووڈ نے کہا کہ شوٹ کرنے کے انداز کے بارے میں کیا خیال ہے؟ تاہم کچھ دیر بعد ویب سائٹ سے ویڈیو ہٹادی گئی تاہم ویڈیو اب سوشل میڈیا پر وائرل ہوچکی ہے۔ واضح رہے کہ بھارتی ٹیم 19 اکتوبر سے آسٹریلیا میں ون ڈے سیریز کھیلنی ہے۔
