• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انگریزی ادب کے معروف شاعر و مصنف ولیم شیکسپیئر کا خاندانی گھر منہدم

آج کا اخبار
اہم خبریں
20 اکتوبر ، 2025
لندن( نیوز ڈیسک)انگریزی ادب کے معروف شاعر و مصنف ولیم شیکسپیئر کا خاندانی گھر منہدم ہوگیا، یہ17ویں صدی کی ایک ایسی عمارت ہے جو آج بھی تاریخ اور ادب کے شائقین کے لیے بہت اہمیت رکھتی ہے۔ غیرملکی میڈیا رپورٹس کے مطابق برطانیہ کے شہر اسٹریٹفورڈ- اپون- ایون، جسے ولیم شیکسپیئر کے آبائی قصبے کے طور پر بھی پہچانا جاتا ہے، یہ تاریخی عمارت شیکسپیئر برتھ پلیس ٹرسٹ نے 1949 میں خریدی تھی۔شیکسپیئر برتھ پلیس ٹرسٹ کے مطابق گریڈ ون کی اس عمارت کو جمعے کو اس وقت شدید نقصان پہنچا جب ایک ڈرائیور نے اپنی گاڑی ریورس کرتے ہوئے اس سے ٹکرا دی۔اس حادثے میں کسی قسم کا جانی نقصان نہیں ہوا تاہم اس میں شیکسپیئر کے خاندانی گھر کو نقصان پہنچا ہے، جس کی مرمت کی جارہی ہے۔واضح رہے کہ مذکورہ ٹرسٹ کے مطابق لکڑی سے بنی اس عمارت کا مرکزی حصہ 1613میں بنایا گیا تھا۔ تاریخ کے بیشتر حصے میں یہ گھر کئی پیشہ ور لوگوں کے زیر استعمال رہا تاہم 1800 کی دہائی کے وسط میں اسے چھوٹے اسکول کے طور پر بھی استعمال کیا گیا۔
اہم خبریں سے مزید