• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایم ایم عالم روڈ کی ری ماڈلنگ میں انڈرگراؤنڈ وائرنگ بڑاچیلنج،ڈی جی ایل ڈی اے

میرا شہر
لاہور
21 اکتوبر ، 2025
لاہور (خصوصی رپورٹر)ڈی جی ایل ڈی اے طاہر فاروق سے ایم ایم عالم روڈ گلبرگ کی ایسوسی ایشن کے وفد نے ملاقات کی۔ملاقات میں ایم ایم عالم روڈ گلبرگ کی ایسوسی ایشن کے نمائندگان نے شرکت کی۔ملاقات میں ایم ایم عالم روڈ ایسوسی ایشن کے نمائندوں کو گلبرگ سکیم میں جاری سسٹین ایبل ڈویلپمنٹ کے کاموں بارے بریفنگ دی گئی۔ایسوسی ایشن نمائندگان نے گلبرگ سکیم میں جاری سسٹین ایبل ڈویلپمنٹ کے کاموں کو سراہا۔ایم ایم عالم روڈ ایسوسی ایشن کے وفد نے اس موقع پر اظہار خیال کرتے ہوئے کہا کہ سرسید روڈ، فیشن ایونیو، حالی اور ظہور الٰہی روڈ پر ڈویلپمنٹ سے ٹریفک روانی اور خوبصورتی میں اضافہ ہوا ہے۔اجلاس کو بریفنگ میں بتایا گیا کہ ایم ایم عالم روڈ کی ری ماڈلنگ میں انڈر گراؤنڈ وائرنگ کرنا ایک چیلنج ہے۔اجلاس میں ایم ایم عالم روڈ کی ری ماڈلنگ کے مجوزہ آپشنز پر بریفنگ دی گئی۔ ڈی جی ایل ڈی اے طاہر فاروق نے کہا کہ ایم ایم عالم روڈ کی ری ماڈلنگ کے لیے تمام سٹیک ہولڈرز کو آن بورڈ ہونا ضروری ہے۔
لاہور سے مزید