فرمان الہی
نماز کے اوقات
انگلینڈ میں ریزیڈنٹ ڈاکٹرز نے تنخواہوں اور روزگار کے مسائل پر حکومت کے خلاف آئندہ ماہ 5 روزہ ہڑتال کا اعلان کر دیا ہے۔
برٹش میڈیکل ایسوسی ایشن (BMA) کے مطابق، یہ ہڑتال 14 نومبر کی صبح 7 بجے سے 19 نومبر کی صبح 7 بجے تک جاری رہے گی۔
این ایچ ایس (NHS) میں کام کرنے والے تقریباً آدھے ڈاکٹرز کی تعداد ریزیڈنٹ ڈاکٹرز پر مشتمل ہے، ان ڈاکٹرز کو پہلے جونیئر ڈاکٹرز کہا جاتا تھا۔
ریزیڈنٹ ڈاکٹرز کی کمیٹی کے چیئرمین ڈاکٹر جیک فلیچر نے کہا ہے کہ یہ وہ مقام نہیں جہاں ہم پہنچنا چاہتے تھے۔
اُنہوں نے مزید بتایا کہ ہم نے گزشتہ ہفتے حکومت کے ساتھ بات چیت میں وقت گزارا تاکہ وزیر صحت کو ڈاکٹرز کی بے روزگاری کے مسئلے کو ختم کرنے پر قائل کیا جا سکے۔
ڈاکٹر جیک فلیچر نے کہا کہ بی ایم اے کے اپنے سروے کے مطابق دوسرے سال کے نصف ڈاکٹرز انگلینڈ میں روزگار کے حصول میں مشکلات کا سامنا کر رہے ہیں جب کہ لاکھوں مریض علاج کے منتظر ہیں اور اسپتالوں میں شفٹیں خالی پڑی ہیں۔
اُنہوں نے یہ بھی کہا کہ تنظیم نے حکومت سے چند سالوں میں بتدریج تنخواہوں میں کمی کے خاتمے کا مطالبہ کیا تھا جس میں نئے ڈاکٹرز کے لیے 4 سال تک فی گھنٹہ صرف ایک پاؤنڈ اضافے کی تجویز پیش کی گئی تھی۔
