فرمان الہی
نماز کے اوقات
آئی فون 17 پرو استعمال کرنے والے صارفین نے انکشاف کیا ہے کہ ان کے نارنجی رنگ کے آئی فون 17 پرو کا رنگ آہستہ آہستہ گلابی ہوتا جا رہا ہے۔
اس انکشاف کے بعد آئی فون 17 پرو کے رنگ کے بارے میں سوشل میڈیا پر ایک نئی بحث چھڑ گئی ہے۔
آئی فون 17 پرو اور 17 پرو میکس میں ٹائٹینیم چیسس ایک الگ انوڈائزڈ فنش کے ساتھ نمایاں ہے جو کہ اسے پائیدار سطح فراہم کرتا ہے۔
یہاں یہ بات قابل ذکر ہے کہ آئی فون 16 پرو کی ایلومینیم باڈی کے برعکس ٹائٹینیم باڈی رنگین رنگوں کے ساتھ مختلف طریقے سے تعامل کرتی ہے، ایلومینیم کی سطح انوڈائزیشن کے دوران رنگ کو جذب کر لیتی ہے جب کہ ٹائٹینیم کی سطح رنگ کو جذب نہیں کرتی۔
یوں ٹائٹینیم باڈی کے رنگ تبدیل ہونے لگتے ہیں لیکن اس کا مطلب یہ بھی ہے کہ اگر غلط استعمال کیا جائے تو کچھ کیمیکل فون کی بیرونی فنش کو متاثر بھی کر سکتے ہیں۔
آئی فون 17 پرو کا رنگ تبدیل ہونے کی یہ وجہ ریلائنٹ ایلومینیم پروڈکٹس میں ٹیکنیکل سروسز کے وی پی مارک جازفوز کی 2013 کی ایک ٹیکنیکل پوسٹ کے ذریعے کی گئی ہے۔
انہوں نے وضاحت کی کہ ہائیڈروجن پر آکسائیڈ جو عام طور پر کچھ جراثیم کش ادویات میں پایا جاتا ہے، یہ فون کے رنگ کو خراب کر سکتا ہے۔
دلچسپ بات یہ ہے کہ ایپل نے خود اپنی آئی فون کلیننگ گائیڈ میں واضح طور پر صارفین کو خبردار کیا کہ بلیچ یا ہائیڈروجن پر آکسائیڈ پر مشتمل کوئی بھی مصنوعات فون کی صفائی کے لیے استعمال نہ کریں۔
کمپنی نے فون کو صاف کرنے کے لیے ایسے نرم وائپس استعمال کرنے کی تجویز دی ہے جن میں 70 فیصد آئسو پروپائل الکوحل یا 75 فیصد ایتھائل الکوحل موجود ہو۔
