فرمان الہی
نماز کے اوقات
این ایچ ایس میں لاکھوں ایسے مریضوں کا انکشاف ہوا ہے، جو یا تو منتقل ہو چکے ہیں یا انتقال کر چکے ہیں مگر وہ جی پیز میں رجسٹرڈ ہیں اور جی پیز ان کی غیر موجودگی کے باوجود رقم وصول کر رہے ہیں۔
برطانوی ذرائع ابلاغ کی رپورٹ کے مطابق ایک دہائی قبل برطانوی وزراء کی طرف سے گھوسٹ مریضوں کی لعنت کو ختم کرنے کے عزم کے باوجود انگلینڈ میں آج بھی 4 اعشاریہ 9 ملین کی بلند ترین سطح رجسٹرڈ ہے۔
ان اعداد و شمار سے یہ اندازہ لگایا جا سکتا ہے کہ ایک دہائی کے دوران 95 فیصد تک ایسے مریضوں کی تعداد میں اضافہ ہوا ہے، جو ایک محتاط اندازے کے مطابق کینٹ، ایسیکس اور ہیمپشائر کی مشترکہ آبادی سے بھی زیادہ ہیں۔
انگلینڈ کے بعض حصوں میں تجزیہ سے پتہ چلتا ہے کہ رجسٹرڈ مریضوں میں سے 20 فیصد تک موجود نہیں ہوسکتے، یہ بھی انکشاف ہوا ہے کہ ہر مریض کے لیے اوسطاً تقریبا 170 پاﺅنڈ وصول کیے جاتے ہیں۔
اس کا مطلب ہے کہ وہ ان مریضوں کے لیے 838 ملین پاﺅنڈز کے برابر سالانہ وصول کرتے ہیں، جو موجود ہی نہیں ہیں۔
این ایچ ایس کاﺅنٹر فراڈ اتھارٹی کے سربراہان نے اس امر کی تحقیقات شروع کر دی ہیں۔
