فرمان الہی
نماز کے اوقات
کراچی(اسٹاف رپورٹر) رینجرز نے منگھوپیر روڈ کنواری کالونی کے قریب چھاپہ مار کارروائی عمل میں لاتے ہوئے مبینہ طور پر فتنہ الخوارج کے تین ملزمان زید اللہ عرف زیدو، نور زادہ اور حضرت عثمان کو گرفتار کر لیا،ترجمان رینجرز کے مطابق گرفتار ملزمان خوارجی امیر شمس القیوم عرف زاویل عرف زعفران کے قریبی ساتھی اور انتہائی مطلوب تھے،دوران تفتیش ملزمان نے انکشاف کیا ہے کہ وہ علاقے کے لوگوں کے نمبرز شمس القیوم عرف زاویل عرف زعفران کو مہیا کرتے تھے جس کے بعد وہ اُن نمبرز پر بھتہ وصولی کے لیے کال کرتا تھا،ملزمان نے کنواری کالونی میں منشیات فروشوں سے بھتہ وصولی اور لینڈ گریبنگ میں ملوث ہونے کا بھی اعتراف کیا ہے، ملزم نور زادہ کا بھائی خان زادہ عرف حنظلہ اور ملزم حضرت عثمان کا بھائی عمر خطاب بھی فتنہ الخوارج کے انتہائی مطلوب کارندے تھے جو مارے گئے۔ ملزم زید اللہ عرف زیدو تھانہ ایکسائز کورنگی اور اے این ایف کو بھی مطلوب تھا، گرفتارملزمان کو مزید قانونی کارروائی کیلئے پولیس کے حوالے کر دیاگیاہے۔
