فرمان الہی
نماز کے اوقات
کراچی (اسٹاف رپورٹر ) سندھ ہائی کورٹ نے نیپرا کی جانب سے کے الیکٹرک کے ٹیرف میں کمی کے خلاف درخواست پر نیپرا کو کے الیکٹرک ملٹی ایئر ٹیرف پر کسی بھی کارروائی سے روکتے ہوئے نیپرا، ایڈیشنل اٹارنی جنرل و دیگر کو نوٹس جاری کردیئے۔ ہائی کورٹ میں نیپرا کی جانب سے کے الیکٹرک کے ٹیرف میں کمی کے خلاف درخواست کی سماعت ہوئی۔ کے الیکٹرک کے وکیل نے موقف اختیار کیا کہ نیپرا نے 20 اکتوبر کو ایسے فریق کی درخواست پر فیصلہ کیا جو مرکزی کیس میں فریق نہیں تھے۔ نیپرا نے نظر ثانی درخواستیں مسترد کرتے ہوئے از خود نوٹس کے تحت ٹیرف 32 روپے فی یونٹ مقرر کیا۔ وفاقی حکومت نے اگر نئے ٹیرف کو نوٹیفکیشن جاری کردیا تو کے الیکٹرک کو شدید نقصان ہوگا۔ ایسی صورت میں کے الیکٹرک کو آپریشن بند کرنا بھی پڑسکتا ہے۔
