• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دس ماہ، اسٹریٹ کرائم کے 54 ہزار واقعات، ڈکیتی مزاحمت، 75 افراد قتل

آج کا اخبار
اہم خبریں
07 نومبر ، 2025
کراچی( ثاقب صغیر )کراچی میں رواں برس کے پہلے دس ماہ کے دوران اسٹریٹ کرائم کے 54 ہزار سے زائد واقعات رپورٹ ہوئے،ڈکیتی مزاحمت پر75افراد قتل ہوئے۔ تفصیلات کے مطابق سال 2025میں ماہ اکتوبر تک شہر میں اسٹریٹ کرائم کے 54ہزار366واقعات رپورٹ ہوئے۔جنوری میں5 ہزار640، فروری میں5ہزار 346، مارچ میں5ہزار 492، اپریل میں5ہزار 187، مئی میں5ہزار 639، جون میں5ہزار357، جولائی میں5ہزار 646، اگست میں5ہزار 459، ستمبر میں5ہزار304اور اکتوبر میں اسٹریٹ کرائم کے5ہزار296واقعات رپورٹ ہوئے۔ دس ماہ کے دوران75شہری ڈاکوؤں کی فائرنگ سے قتل جبکہ265زخمی ہوئے تاہم پولیس ریکارڈ کے مطابق دوران ڈکیتی مزاحمت قتل ہونے والے شہریوں کی تعداد 65ہے۔ اس دوران شہریوں سے 14 ہزار 314 موبائل فون چھین لیے گئے۔ رواں سال اب تک شہریوں سے 1804 گاڑیاں جبکہ 38 ہزار 248 موٹر سائیکلیں چھینی اور چوری کی گئیں۔ رواں برس موبائل فون چھیننے کی یومیہ شرح 47.1 ، گاڑیوں کی چوری اور چھیننے کی 5.9 جبکہ موٹر سائیکلیں چھینے اور چوری کی یومیہ شرح 125.8 رہی۔ سال 2024 میں اکتوبر تک کراچی میں اسٹریٹ کرائم کے 60 ہزار 947 واقعات رپورٹ ہوئے تھے۔2024 کے پہلے دس ماہ میں ڈکیتی مزاحمت پر 90 افراد قتل اور 363 زخمی ہوئے تھے۔ گذشتہ برس ماہ اکتوبر تک شہریوں سے 16 ہزار 550 موبائل فون چھینے گئے تھے جبکہ 1706 گاڑیاں اور 42 ہزار 691 موٹر سائیکلیں چھینی اور چوری کی گئی تھیں۔
اہم خبریں سے مزید