فرمان الہی
نماز کے اوقات
کراچی (نیوز ڈیسک) اٹلی نے بھارت کی ٹاٹا موٹرز کو آئیویکو فروخت کرنیکی مشروط منظوری دیدی. سودا تب ممکن ہوگا جب آئیویکو اپنا دفاعی کاروبار ریاستی دفاعی گروپ لیونارڈو اسپا کو فروخت کر دے. میلیٹرنی کی رپورٹ کے مطابق اٹلی کی حکومت نے بھارتی کمپنی ٹاٹا موٹرز کو اٹالین گاڑی ساز آئیویکو کی فروخت مشروط طور پر منظور کر دی ہے۔ اس معاہدے کے تحت، ٹاٹا موٹرز آئیویکو کو حاصل کرے گا، تاہم یہ تب ممکن ہوگا جب آئیویکو اپنا دفاعی کاروبار اٹلی کی ریاستی دفاعی گروپ لیونارڈو اسپا کو فروخت کر دے۔ حکومت نے فروخت کے لیے متعدد شرائط رکھی ہیں، خاص طور پر دفاعی اثاثوں کے تحفظ اور اٹلی میں ملازمتوں کو برقرار رکھنے کے حوالے سے۔ اس معاہدے سے ٹاٹا موٹرز کو عالمی سطح پر اپنی موجودگی بڑھانے کا موقع ملے گا، جبکہ اٹلی دفاعی شعبے پر کنٹرول اور شہری ٹرک کی پیداوار کو جاری رکھے گا۔
