فرمان الہی
نماز کے اوقات
بالی ووڈ اداکارہ کاجول کا کہنا ہے کہ شادی کی ایک ایکسپائری ڈیٹ (ایک مقررہ معیاد) ہونی چاہیے، اہلیہ کے اس بیان پر اجے دیوگن نے ردعمل دے دیا اور کہا کہ لفظ محبت نے اپنے معنی کھو دیے ہیں۔
واضح رہے کہ 51 سالہ کاجول نے شادی کی میعاد ختم ہونے اور اس کی تجدید کے موضوع پر جو بحث شروع کی اس پر اجے نے محبت کے بدلتے ہوئے تصورات کو اجاگر کیا اور کہا کہ اب محبت ایک عام سی بات بن گئی ہے۔
کاجول نے ایک یوٹیوب چینل پر گفتگو کے دوران محبت کے بدلتے نظریے اور نئے دور کی ریلیشن شپ پر کھل کر اپنے خیالات کا اظہار کیا۔
ٹوئنکل کھنہ نے کاجول سے پوچھا تھا، کیا شادی کی کوئی ایکسپائری اور تجدید کا آپشن ہونا چاہیے؟ جس پر کاجول نے اتفاق کیا اور گرین زون کی طرف چلی گئیں، جبکہ ٹوئنکل کھنہ، وکی کوشل اور کریتی سینن ریڈ زون میں کھڑے رہے۔
اس موقع پر کاجول نے وضاحت کرتے ہوئے کہا کہ میں بالکل ایسا ہی سمجھتی ہوں۔ آخر کیا ضمانت ہے کہ آپ صحیح وقت پر صحیح شخص سے شادی کریں گے؟ تجدید کا آپشن ہونا منطقی بات ہے اور اگر ایکسپائری ڈیٹ ہو تو کوئی زیادہ دیر تک تکلیف نہیں برداشت کریگا۔
دریں اثنا اجے دیوگن نے یو ٹیوب چینل کے ساتھ ایک الگ انٹرویو میں کہا میرے خیال میں محبت کے معنی وقت گزرنے کے ساتھ بدل گئے ہیں۔ انکا مزید کہنا تھا کہ اب یہ ایک معمولی اور عام سی چیز بن گئی ہے۔ اب محبت پہلے جیسی نہیں رہی، لفظ محبت یا آئی لو یو اتنا زیادہ اور بے مقصد استعمال ہونے لگا ہے کہ اس کا مطلب ہی کھو گیا ہے۔
ہمارے عہد میں آئی لو یو کہنا ایک بہت بڑی بات ہوتی تھی۔ اب لوگ اس لفظ کی گہرائی کو نہیں سمجھتے۔ اداکار آر مادھوون نے ان سے اتفاق کیا اور کہا ماضی کی جنریشن محبت کو عظیم خلوص سمجھا کرتی تھی، یہاں تک کہ جب ہم ایک کارڈ پر سائن کرتے تو اسے بہت سنجیدگی سے لیتے تھے، اس پر اجے دیو گن نے کہا کہ اب تو ہر میسیج پر ہارٹ ایموجی یا اس کا اختتام لو پر ہوتا ہے۔
واضح رہے کہ کاجول اور اجے دیوگن کی پہلی ملاقات 1995 کی فلم ہلچل کے سیٹ پر ہوئی، جس کے چار سال بعد دونوں نے شادی کر لی۔
