فرمان الہی
نماز کے اوقات
روسی صدر ولادیمیر پیوٹن نے کہا ہے کہ امریکا اور یوکرین کے درمیان زیر بحث امن تجاویز یوکرین تنازع کے خاتمے اور امن معاہدے کی بنیاد بن سکتی ہیں، لیکن اگر ایسا نہیں ہوا تو روس جنگ جاری رکھے گا۔
بشکیک میں صحافیوں سے گفتگو میں صدر پیوٹن نے بتایا کہ اب تک ہونے والی بات چیت کسی معاہدے کے نہیں بلکہ مسائل کے حل کے بارے میں تھی۔
دوسری جانب یوکرین کے صدر زیلنسکی کا کہنا ہے کہ یوکرین اور امریکی نمائندوں کی ملاقات رواں ہفتے ہوگی، جنیوا میں ہونے والی ملاقات میں امن معاہدے کو حتمی شکل دی جائے گی۔
واضح رہے کہ گزشتہ دنوں امریکی صدر ڈونلڈ ٹرمپ نے خصوصی ایلچی اسٹیو وٹکوف کو یوکرین میں جنگ کے خاتمے کے لیے ماسکو میں روسی صدر پیوٹن سے ملاقات کی ہدایت کی تھی۔
صدر ٹرمپ کا کہنا تھا کہ 28 نکاتی امن منصوبے کا مسودہ امریکا نے تیار کیا تھا، دونوں اطراف سے اضافی ان پٹ کے ساتھ اسے اپ ڈ یٹ کر دیا گیا ہے۔
