• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی ترقیاتی فنڈز میں KP نظر انداز، 43 ارب میں صرف 1.3 ارب ملیں گے، مشیر خزانہ

آج کا اخبار
اہم خبریں
01 دسمبر ، 2025
پشاور(سٹاف رپورٹر)خیبر پختونخوا کے مشیر خزانہ مزمل اسلم نے دعویٰ کیا ہے کہ وفاقی حکومت نے فنڈز کی تقسیم میں خیبرپختونخوا کو مکمل نظر انداز کردیا ہے،ہمیں صرف 1ارب 30کروڑ ملیں گے، وفاقی حکومت نے43ارب روپے کے ترقیاتی منصوبے صرف پنجاب اور سندھ کے لئے منظور کئے ہیں جبکہ خیبرپختونخوا کو بلوچستان سے بھی نیچے رکھا گیا ہے ۔ پنجاب میں 17ارب 60کروڑ، سندھ میں 15ارب 30کروڑ اور بلوچستان میں 2 ارب 30 کروڑ جبکہ اسلام آباد میں 750 ملین خرچ ہوں گے ،مزمل اسلم نے کہا ہے کہ اطلاعات کے مطابق 43 ارب روپے میں سے لیگ ن کا حصہ 23.5 ارب روپے ہے جو پنجاب کے ممبرانِ قومی اسمبلی کی اسکیموں کے لیے مختص کیا گیا ہے جن میں 17.6 ارب روپے کا بڑا حصہ حکومتِ پنجاب کے ذریعے خرچ کیا جائے گا جبکہ وفاقی حکومت پنجاب کے دیہی علاقوں کی بجلی فراہمی منصوبوں پر بھی 5.9 ارب روپے خرچ کرے گی، فیصلے کے مطابق مزید 40کروڑ روپے ڈیفنس ڈویژن کے ذریعے خرچ کیے جائیں گے۔مزمل اسلم نے کہاکہ سندھ کے ممبرانِ قومی اسمبلی کو 15.3 ارب روپے ملیں گے، اس میں سے 10.3 ارب روپے سندھ حکومت کے ذریعے اور باقی 4.3 ارب روپے پاکستان انفراسٹرکچر ڈیولپمنٹ کمپنی کے ذریعے خرچ ہوں گے۔ دلچسپ بات یہ ہے کہ خیبر پختونخوا کو صرف 1.3 ارب روپے ملیں گے اور خیبرپختونخوا کے فنڈز براہِ راست پی آئی ڈی سی اور واپڈا کے ذریعے خرچ ہوں گے، جبکہ بلوچستان حکومت کو 2.3 ارب روپے اور اسلام آباد کو 750 ملین روپے دیئے جائیں گے۔
اہم خبریں سے مزید