فرمان الہی
نماز کے اوقات
ایرانی وزیرِ خارجہ عباس عراقچی نے کہا ہے کہ امریکا کو ہمارا اعتماد بحال کرنے کے لیے سفارتکاری کا دوبارہ سے آغاز کرنا ہوگا۔
غیرملکی میڈیا کے مطابق انہوں نے یہ بات جاپانی ہم منصب سے ٹیلی فون پر بات چیت کرتے ہوئے کہی۔
ایرانی وزیرخارجہ عباس عراقچی نے کہا کہ اسرائیلی اور امریکی حملوں سے قبل ہمارے 2015ء کے ایٹمی معاہدے کے متبادل کے طور پر مزاکرات کے 5 دور ہوچکے تھے۔
ساتھ ہی عباس عراقچی نے ایران کی ایٹمی صلاحیت کے حصول کی پالیسی کے حوالے سے جاپانی وزیرِخارجہ سے کو آگاہ کیا۔
عباس عراقچی نے جاپانی وزیرِ خارجہ موٹیگی ٹوشیمیٹسو کو ان کا عہدہ سنبھالنے پر مبارکباد بھی پیش کی۔
عباس عراقچی نے جاپانی ہم منصب کو بتایا کہ امریکا اور اسکے اتحادیوں نے نہ صرف ایرانی کے جوہری پروگرام کو ختم کرنے کی خواہش کا اظہار کیا بلکہ وہ ایران کے میزائل پروگرام کو بھی معاہدے میں شامل کرنے پر زور دیتے رہے، جسے ایران پہلے سے مسترد کررہا ہے۔
انہوں نے واضح کیا کہ ایران کی فوجی صلاحیت پر کوئی بات نہیں کی جاسکتی۔
