فرمان الہی
نماز کے اوقات
بھارتی اداکارہ رشمیکا مندانا نے آرٹیفیشل انٹیلی جنس (اے آئی) سے فحش تصاویر بنانے والوں کو سزا دینے کا مطالبہ کردیا ہے۔
بھارتی میڈیا رپورٹ کے مطابق 29 سالہ رشمیکا مندانا نے سماجی رابطے کی ویب سائٹ پر ایک بیان میں اے آئی سے جعلی اور فحش تصاویر کی سخت مذمت کی ہے۔
اداکارہ نے انٹرنیٹ پر فیک تصاویر کے بڑھتے رجحان کو اخلاقی پستی قرار دیا اور مطالبہ کیا کہ اے آئی کے ذمے داروں کو سخت سزا دی جائے۔
انہوں نے انٹرنیٹ کو جھوٹی تصاویر پھیلانے کا آسان ذریعے بن جانے پر تشویش بھی ظاہر کی اور کہا کہ انٹرنیٹ اب سچائی کا آئینہ نہیں رہا، یہاں جعلی تصاویر کو باآسانی اصلی دکھایا جاتا ہے۔
رشمیکا مندانا نے مزید کہا کہا کہ اے آئی ترقی کا ذریعہ ہے مگر اس کا غلط استعمال معاشرتی بگاڑ کو ظاہر کرتا ہے، خواتین کو فحش تصاویر کے ذریعے نشانہ بنانے پر سنگین اور بے رحمانہ سزا ہونی چاہیے۔
حال ہی میں کئی اداکاروں نے اے آئی سے جعلی تصاویر بنانے کے پریشان کن رجحان کے خلاف آواز اٹھائی ہے جبکہ رشمیکا مندانا نے اس معاملے سخت موقف اختیار کیا ہے۔
رشمیکا مندانا کی فلم کاک ٹیل 2 ریلیز کے تیار ہے، یہ 2012ء کی مقبول فلم کاک ٹیل کا سیکوئل ہے۔
