• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دو روزہ ’پی جی ایم آئی ایم کون ‘2025 کے انعقاد کا اعلان

میرا شہر
لاہور
15 دسمبر ، 2025
لاہور ( جنرل رپورٹر )پوسٹ گریجویٹ میڈیکل انسٹیٹوٹ نے طبی تعلیم اور تحقیق کے شعبے میں اپنی نمایاں اور مؤثر عالمی شناخت کو برقرار رکھتے ہوئے "پی جی ایم آئی ایم کون "2025کے انعقاد کا اعلان کر دیا ہے۔ دو روزہ کانفرنس 17 دسمبر سے شروع ہوگی،پرنسپل امیر الدین میڈیکل کالج پروفیسر ڈاکٹر فاروق افضل نے بتایا کہ کانفرنس نوجوان ڈاکٹروں، ریسرچرز اور میڈیکل طلبہ کیلئے مؤثر علمی پلیٹ فارم ثابت ہوگی۔اس کانفرنس کا بنیادی مقصد طبی تحقیق اور میڈیکل ایجوکیشن کو مزید مؤثر، جدید اور عالمی تقاضوں سے ہم آہنگ بنانا، جبکہ مستقبل کے نوجوان معالجین کو تحقیق پر مبنی تعلیم کے ذریعے باصلاحیت اور باخبر بنانا ہے۔پرنسپل امیر الدین میڈیکل کالج پروفیسر ڈاکٹر فاروق افضل نے بتایا کہ "پی جی ایم آئی ایم کون "2025 میں ممتاز ماہرینِ طب، سینئر فیکلٹی ممبران، نوجوان ڈاکٹرز، محققین اور میڈیکل طلبہ شرکت کریں گے۔ کانفرنس کے مختلف سیشنز میں جدید طبی تحقیق، میڈیکل ایجوکیشن کے نئے رجحانات، مریضوں کی بہتر نگہداشت، اور جدید میڈیکل ٹیکنالوجیز سمیت اہم موضوعات پر جامع اور بامقصد مباحثے کیے جائیں گے۔پروفیسر ڈاکٹر فاروق افضل نے مزید بتایا کہ پی جی ایم آئی تحقیق پر مبنی میڈیکل تعلیم کے فروغ کے لیے بھرپور عزم رکھتا ہے اور اس نوعیت کی بین الاقوامی کانفرنسیں مستقبل کے معالجین کی پیشہ ورانہ تربیت، اور عالمی معیار کی میڈیکل ایجوکیشن کے حصول میں کلیدی کردار ادا کرتی ہیں۔
لاہور سے مزید