فرمان الہی
نماز کے اوقات
کراچی ( اسٹاف رپورٹر)امیرجماعت اسلامی کراچی منعم ظفر خان نے کہا ہے کہ حکومت نے تعلیم اور صحت جیسے بنیادی شعبوں کو مکمل طور پر نظرانداز کر رکھا ہے، جس کے باعث نوجوان آگے بڑھنے کے مواقع سے محروم ہیں، سندھ حکومت کا عمل وژن ”جہالت سب کے لیے“بن چکا ہے، نرسنگ کا شعبہ صحت کے نظام میں ریڑھ کی ہڈی کی حیثیت رکھتا ہے، مگر بدقسمتی سے حکومت کی عدم توجہی، نااہلی اور کرپشن کے باعث یہ شعبہ شدید مسائل کا شکار ہے، ہمارا مطالبہ ہے کہ وفاقی اور صوبائی سطح پر نرسنگ کے لیے علیحدہ بجٹ مختص کیا جائے، نائٹ الاؤنس، ریسٹ الاؤنس،اوور ٹائم کی بروقت ادائیگی یقینی بنائی جائے اور میرٹ کی بنیاد پر بھرتیاں کی جائیں، ان خیالات کا اظہار انہوں نے جناح پوسٹ گریجویٹ میڈیکل سینٹر،نرسنگ یونٹ کراچی کے تحت نرسنگ کانفرنس سے خصوصی خطاب اور میڈیا سے گفتگو کرتے ہوئے کیا،انہوں نے کہا کہ کراچی میں ڈمپرز، ٹینکر زاور ٹریلرزکے باعث روزانہ شہری کچلے جا رہے ہیں۔
