فرمان الہی
نماز کے اوقات
الیکشن کمیشن میں وزیراعلیٰ خیبرپختونخوا سہیل آفریدی اور شہرناز عمر ایوب کے خلاف ضابطہ اخلاق کی خلاف ورزی کے کیس کی سماعت ہوئی۔
چیف الیکشن کمشنر سکندر سلطان راجہ کی سربراہی میں 5 رکنی بینچ نے سماعت کی۔
سہیل آفریدی کے وکیل علی بخاری نے تحریری جواب جمع کروا دیا، کیس کے ناقابل سماعت ہونے سے متعلق درخواست بھی جمع کروا دی۔
الیکشن کمیشن کے حکام نے کہا کہ ناقابل سماعت ہونے سے متعلق درخواست پر وزیراعلیٰ کے دستخط نہیں، الیکشن کمیشن نے علی بخاری کو درخواست دوبارہ جمع کروانے کی ہدایت کی۔
چیف الیکشن کمشنر نے حکم دیا کہ آئندہ سماعت سے قبل پاور آف اٹارنی بھی جمع کرائیں، سماعت 13 جنوری تک ملتوی کر دی گئی۔
