• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مخصوص نشستوں پر بحال 19 ارکان قومی اسمبلی کی تنخواہوں کی ادائیگی کا فیصلہ

آج کا اخبار
اہم خبریں
28 دسمبر ، 2025
اسلام آباد (آئی این پی) مخصوص نشستوں پر بحال 19ارکان قومی اسمبلی کی تنخواہوں کی ادائیگی کا فیصلہ کرلیا گیا ہے، قومی اسمبلی سیکرٹریٹ نے بحال ایم این ایزکوبقایا تنخواہوں کی ادائیگی کیلئے ورکنگ شروع کردی ۔مخصوص نشستوں پر بحال19ارکان قومی اسمبلی کو ایک سال سے زائد کی تنخواہیں ملنے کی راہ ہموار ہوگئی،وزارت قانون نے قومی اسمبلی سیکرٹریٹ کوگرین سگنل دے دیا،وزارت قانون کا کہنا ہے کہ سپریم کورٹ فیصلے کے بعد بحال ہونے والے ارکان کا پہلا نوٹیفکیشن ہی قابل اطلاق ہوگا،قومی اسمبلی سیکرٹریٹ نے بحال ایم این ایز کو بقایا تنخواہوں کی ادائیگی کیلئے ورکنگ شروع کردی۔ انیس ایم این ایزکو گیارہ کروڑ روپے سے زائد کی ادائیگی متوقع ہے،ہر ایم این اے کو تقریبا ساٹھ لاکھ روپے ملیں گے،قومی اسمبلی سیکرٹریٹ نے وزارت قانون اور الیکشن کمیشن سے باضابطہ رہنمائی مانگی تھی،الیکشن کمیشن نے تنخواہوں کی ادائیگی کا فیصلہ قومی اسمبلی سیکرٹریٹ پر چھوڑ دیا تھا۔ذرائع قومی اسمبلی کے مطابق اسپیکر قومی اسمبلی کی حتمی منظوری کے بعد ارکان کو جنوری میں ادائیگیاں متوقع ہیں، 19 ایم این ایزکوبقایا تنخواہوں کی مد میں 11 کروڑروپے سے زائد ادا ہوں گے،ہر ایم این اے کو تقریبا 60 لاکھ روپے تنخواہوں کی مد میں ادا کئے جائیں گے۔سپریم کورٹ نے 13 مئی 2024 کو مخصوص نشستوں کے ارکان معطل کئے تھے،2 جولائی 2025 کو سپریم کورٹ نے تمام ارکان کو بحال کر دیا تھا،بحال ہونے والوں میں 16 خواتین اور 3 اقلیتی ارکان شامل ہیں۔
اہم خبریں سے مزید