• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صوبے میں رواں ہفتے کے دوران بارش اور برفباری کا امکان

میرا شہر
کوئٹہ
28 دسمبر ، 2025
کوئٹہ (اسٹاف رپورٹر) بلوچستان میں رواں ہفتے کے دوران تیز ہواؤں اورگرج چمک کے ساتھ بارش جبکہ پہاڑوں پر برفباری کا امکان ہے محکمہ موسمیات کی پیشگوئی کے مطابق مغربی ہواؤں کا سلسلہ 29 دسمبر کی رات کوملک کے مغربی علاقوں میں داخل ہونے کا امکان ہے جوکہ 30 دسمبر سے مزید مضبوط ہو کر 31 دسمبرکوملک کے بالائی اور وسطی علاقوں کو اپنی لپیٹ میں لے گااور02 جنوری 2026تک بالائی علاقوں تک برقرار رہنے کا امکان ہے اس موسمی نظام کے زیرِ اثربلوچستان میں 29دسمبر کی رات سے 31 دسمبر تک کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، قلات، بارکھان، سبی، لورالائی، موسیٰ خیل، تربت، گوادر، جیوانی، لسبیلہ، کیچ، آواران، چاغی، پنجگور، خضدار، واشک اور خاران میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے محکمہ موسمیات نے متعلقہ اداروں کو الرٹ رہنے کی ہدایت کی ہے۔
کوئٹہ سے مزید