فرمان الہی
نماز کے اوقات
بھارتی وزیراعظم نریندر مودی کو ایک مرتبہ پھر سوشل میڈیا پر شرمندگی کا سامنا کرنا پڑ گیا۔
ان دنوں بھارتی وزیراعظم نریندر مودی کو لے کر ایک دلچسپ تجربہ سوشل میڈیا پر چھایا ہوا ہے۔
ایکس کے اے آئی چیٹ بوٹ گروک (Grok) نے بھارت کے وزیراعظم نریندر مودی کو ان پڑھ اور احمق قرار دے دیا ہے۔
معاملہ کچھ یہ ہے کہ سوشل میڈیا سائٹ ایکس پر ایک صارف کی جانب سے ایک تصویر پوسٹ کی گئی جس میں نریندر مودی، کانگریس رہنما راہول گاندھی اور بھارتی لوک سبھا (ایوان زیریں) کے اسپیکر موجود تھے۔
ایک صارف کی جانب سے ایکس کے اے آئی چیٹ بوٹ گروک کو ٹیگ کر کے کہا گیا کہ اس تصویر میں سے ان پڑھ شخص کو ہٹادو۔ اس مطالبے پر جواب میں گروک نے بھارتی وزیراعظم نریندر مودی کو تصویر سے ہٹادیا۔
اسی طرح اسی پوسٹ میں ایک اور صارف نے گروک سے فرمائش کی کہ تصویر میں سے احمق شخص کو ہٹادو۔ اس بار بھی گروک نے مودی کو ہٹا کر تصویر پیش کردی۔
بعدازاں یہ سارا معاملہ سوشل میڈیا پر وائرل ہوگیا اور صارفین کے اس حوالے سے دلچسپ تبصرے اب بھی جاری ہیں۔
دوسری جانب نریندر مودی کے حامی ایکس سے ناراض بھی دکھائی دے رہے ہیں۔
