• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی ایس اے، 53 ویں کامن ٹریننگ پروگرام افسران کا گوردوارہ پنجہ صاحب کا دورہ

آج کا اخبار
اہم خبریں
04 جنوری ، 2026
لاہور(آصف محمود بٹ) سی ایس اے،53 ویں کامن ٹریننگ پروگرام افسران کا گوردوارہ پنجہ صاحب کا دورہ۔بین المذاہب ہم آہنگی اور اقلیتی حقوق پر عملی سبق مستقبل کے سرکاری افسران کیلئے برداشت اور شمولیتی طرزِ حکمرانی کی تربیت۔ نوجوان بیوروکریٹس کے لیے دورہ پیشہ ورانہ لحاظ سے نہایت اہم ثابت ہوا، مستقبل میں فیلڈ پوسٹنگ کے دوران حساس علاقوں میں خدمات انجام دینا ہوں گی۔پاکستان سول سروسز اکیڈمی میں 53ویں کامن ٹریننگ پروگرام (سی ٹی پی) کے تحت 136 زیرِ تربیت افسران نے سکھ مذہب کے مقدس مقام گوردوارہ سری پنجہ صاحب حسن ابدال کا دورہ کیا۔ اس مطالعاتی دورے کا مقصد مذہبی تنوع، اقلیتی حقوق اور پرامن بقائے باہمی کے اصولوں کو عملی طور پر سمجھنا تھا، جو جمہوری نظام اور اچھی حکمرانی کی بنیاد سمجھے جاتے ہیں۔ ۔یہ دورہ نوجوان بیوروکریٹس کے لیے پیشہ ورانہ لحاظ سے نہایت اہم ثابت ہوا۔ مستقبل میں فیلڈ پوسٹنگ کے دوران انہیں مختلف اور حساس علاقوں میں خدمات انجام دینا ہوں گی۔ مجموعی تربیت کے تناظر میں، گوردوارہ پنجہ صاحب کا دورہ کلاس روم میں پڑھائے جانے والے تصورات جیسے برداشت، شمولیت اور اقلیتی تحفظ کو عملی تجربے میں بدلنے کا ذریعہ بنا۔ اس نے زیرِ تربیت افسران کو ان اقدار کو اپنی پیشہ ورانہ شناخت کا حصہ بنانے کی ترغیب دی۔یہ دورہ 53ویں کامن ٹریننگ پروگرام کے لیے ایک اہم تعلیمی سنگِ میل ثابت ہوا، جس نے مستقبل کے سرکاری افسران کو پاکستان کے مذہبی اور ثقافتی تنوع سے بہتر طور پر روشناس کرایا اور انہیں اپنی آئندہ ذمہ داریاں انصاف، احترام اور آئینی تقاضوں کے مطابق ادا کرنے کے لیے تیار کیا۔
اہم خبریں سے مزید