• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سال 2025، ایف آئی اے کے 271 اہلکاروں کو سزائیں سنائی گئیں

آج کا اخبار
اہم خبریں
07 جنوری ، 2026
کراچی( ثاقب صغیر )سال 2025 کے دوران ایف آئی اے کے 271اہلکاروں کو سزائیں سنائی گئیں۔حکام کے مطابق ڈائریکٹوریٹ آف انٹرنل اکاؤنٹی بیلیٹی نے سال 2025 کے دوران مجموعی طور پر 271اہلکاروں کو سزائیں سنائیں۔ بدعنوانی، نظم وضبط کے خلاف ورزی اور اختیارات سے تجاوز میں ملوث 88 افسران واہلکاروں کو ملازمت سے برطرف کیا گیا۔برطرف ہونے والوں میں 2 ڈپٹی ڈائریکٹرز، 6اسسٹنٹ ڈائریکٹرز، 13 انسپیکٹرز، 20 سب انسپیکٹرز ، 5 اے ایس آئی، 13 ہیڈ کانسٹیبل، 20کانسٹیبل اور 9 منسٹریل اسٹاف شامل ہے۔سال 2025 کے دوران ایک اے ایس آئی، 2 کانسٹیبل اور 2 منسٹریل اسٹاف کو ملازمت سے برخاست کیا گیا۔سال 2025 کے دوران 10 اہلکاروں کو عہدے کی تنزلی کی سزائیں سنائی گئیں۔سال 2025کے دوران ایک ڈپٹی ڈائریکٹرز، 2 اسسٹنٹ ڈائریکٹرز، 2 انسپکٹرز، ایک سب انسپکٹر ،3 ہیڈ کانسٹیبل اور ایک کانسٹیبل کو عہدے کی تنزلی کی سزا سنائی گئی۔سال 2025 کے دوران 168 افسران و اہلکاروں کو ترقی روکنے اور دیگر معمولی سزائیں سنائی گئیں۔ڈی جی ایف آئی اے رفعت مختار راجہ کے مطابق محکمانہ احتساب کا مقصد قانونی اور پیشہ ورانہ معیارات پر سختی سے عمل کو یقینی بنانا ہے۔ کسی بھی قسم کی بدعنوانی یا اختیارات کے ناجائز استعمال کو ہرگز برداشت نہیں کیا جائے گا۔ رفعت مختار راجہ کے مطابق کرپشن، غفلت اور ناقص تفتیش میں ملوث اہلکاروں کی ایف آئی اے میں کوئی جگہ نہیں ہے۔ ادارے کو کرپشن اور کالی بھیڑوں سے پاک کرنے کے لیے سخت احتسابی عمل جاری ہے۔ ڈی جی ایف آئی اے کے مطابق غیر قانونی سرگرمیوں میں ملوث اہلکاروں کے خلاف سخت اقدامات کیے جا رہے ہیں۔احتسابی عمل سے ہی انسانی اسمگلنگ اور کرپشن کا خاتمہ ممکن ہوگا۔غفلت برتنے والے افسران کو قرار واقعی سزا دی جائے گی۔
اہم خبریں سے مزید