• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جامعہ کراچی، سنڈیکیٹ کی 4 نشستوں کیلئے انتخابات میں سخت مقابلے کی توقع

آج کا اخبار
اہم خبریں
07 جنوری ، 2026
کراچی( سید محمد عسکری) جامعہ کراچی میں اساتذہ کی نمائندگی پر مشتمل سنڈیکیٹ کی نشستوں کے لیے انتخابات 8 جنوری کو ہوں گے جس میں دو گروپس کے درمیان سخت مقابلے کا امکان ہے تاہم سب سے دلچسپ مقابلہ کی توقع پروفیسر کی نشست پر کی جارہی ہے جہاں آزاد امیدوار اور انجمن اساتذہ جامعہ کراچی کی دو مرتبہ صدر رہنے والی پروفیسر ڈاکٹر انیلا امبر ملک میدان میں ہیں جب کہ کراچی یونیورسٹی ٹیچرز فیڈریشن کے ڈاکٹر حارث شعیب اور ٹیگ کے محمد علی انتخاب لڑ رہے ہیں۔ ایسوسی ایٹ پروفیسرز کی نشست کے لیے ٹیگ کےڈاکٹر محسن علی اور کے یو ٹی ایف کے ڈاکٹر محمد ایاز امیدوار ہیں۔ اسسٹنٹ پروفیسرز کے زمرے میں ٹیگ کی ڈاکٹر ندا علی، آزاد امیدوار ڈاکٹر سید شاہ حسن اور کے یو ٹی ایف کے سید غفران عالم امیدوار ہیں تاہم ڈاکٹر سید شاہ حسن ڈاکٹر ندا علی کے حق میں بیٹھ گئے ہیں۔ اسی طرح لیکچررز کے زمرے میں ٹیگ کے ڈاکٹر کاشف ریاض، آزاد امیدوار سید ناصر اختر اور کے یو ٹی ایف کی شُمائلہ صمد خان میدان میں ہیں۔ قائم مقام رجسٹرار جامعہ کراچی پروفیسر ڈاکٹر عمران احمد صدیقی، جو ریٹرننگ افسر بھی ہیں، نے امیدواروں کی حتمی فہرست کی باضابطہ توثیق کر دی ہے۔
اہم خبریں سے مزید