فرمان الہی
نماز کے اوقات
امریکی صدر ڈونلڈ ٹرمپ کا کہنا ہے کہ وینزویلا میں 100 ارب ڈالر تک سرمایہ کاری پر غور کر رہے ہیں۔
صدر ٹرمپ سے وائٹ ہاؤس میں آئل ایگزیکٹوز نے ملاقات کی اور سرمایہ کاری میں دلچسپی مگر خدشات کا بھی اظہار کیا۔
ٹرمپ نے کہا کہ وینزویلا کی تیل صنعت کو کس طرح دوبارہ تعمیر کیا جائے گا اس پر بات ہوگی۔
وینزویلا میں کونسی تیل کمپنیاں جائیں گی اس کا فیصلہ کریں گے، تیل کمپنیاں امریکا سے براہ راست ڈیل کریں گی، وینزویلا سے نہیں۔
ٹرمپ کے مطابق امریکا فوری طور پر وینزویلا کے 5 کروڑ بیرل تیل کی ریفائننگ اور فروخت شروع کرے گا۔
انہوں نے بتایا کہ ایک آئل ٹینکر پکڑا جو ہماری منظوری کے بغیر وینزویلا سے روانہ ہوا۔
امریکی صدر نے کہا کہ وینزویلا کی طرف سے کل ہمیں 30 ملین بیرل تیل دیا گیا تھا۔
دوسری جانب امریکا کی بڑی آئل کمپنیوں نے وینزویلا میں سرمایہ کاری پر تحفظات کا اظہار کیا ہے۔
صدر ٹرمپ نے یقین دہانی کرائی کہ سرمایہ کاری کو تحفظ ملے گا، آمدنی بھی ہوگی، تیل کمپنیاں امریکا سے براہ راست ڈیل کریں گی۔
انہوں نے کہا کہ وینزویلا میں 100 ارب ڈالر تک سرمایہ کاری پر غور کر رہے ہیں، وینزویلا کی تیل صنعت دوبارہ تعمیرکریں گے۔
ایک سوال پر کہا وہ نہ ہوتے تو پاک بھارت جنگ جاری رہتی، 8 طیارے مار گرائےجانے کا بیان بھی دہرایا۔
ٹرمپ نے کہا کہ ایران میں مظاہرین نے میرے نام پر سڑک کا نام رکھ دیا ہے۔
