فرمان الہی
نماز کے اوقات
کراچی(مطلوب حسین/اسٹاف رپورٹر) پاک امریکا مشترکہ مشن کی بڑی کامیابی،موہنجو دڑو میں شہر کی حفاظتی فصیل دریافت، یہ دریافت سندھ کے تاریخی ورثے کی عالمی اہمیت کو مزید اجاگر کرتی ہے،صوبائی وزیر ثقافت،سندھ کی قدیم ترین تہذیب موہنجو دڑو میں ماہرین آثار قدیمہ کی جانب سے کھدائی کے دوران شہر کی حفاظت کیلئے بنائی گئی دیوار (فصیل) دریافت کرلی گئی، مرکزی شہر کے گرد کچی اینٹوں سے بنی حفاظتی دیوار (فصیل) دریافت کی گئی ہے، موہن جو دڑو پر پاک امریکہ مشترکہ آثار قدیمہ مشن کے تحت کھدائی کا کام جاری ہے،امریکی پروفیسر جوناتھن مرک کینویئر اور علی لاشاری کی نگرانی میں آثار قدیمہ کے ماہرین پر مشتمل ٹیم موہنجوداڑو میں کھدائی کا کام کررہی ہے، 1950 اور 51 میں برطانوی ماہر آثار قدیمہ سر مارٹر وہیلر نے اپنی تحقیق میں اسے کچی اینٹوں کی بنیاد قرار دیا تھا،نئی کھدائی اور زمینی تہوں کے شواہد سے ماہرین نے اسے شہر کی فصیل قرار دیا ہے۔
