• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مال روڈ منصوبہ، ریس کورس و چیئرنگ کراس انڈر پاسز پر کام تیزی سے جاری

میرا شہر
اسلام آباد
18 ستمبر ، 2026
راولپنڈی(راحت منیر/اپنے رپورٹرسے) 25کلو میٹر طویل مال روڈ سگنل فری پراجیکٹ کے دو نئے انڈر پاسز پر کام تیزی سے جاری ہے۔ایک ہفتے میں چیئر نگ کراس انڈر پاس 23فیصد جبکہ ریس کورس(قاسم مارکیٹ)انڈر پاس کی مجموعی پراگریس27فیصد ہوگئی ہے۔ڈراپ کئے گے آرمی قبرستان انڈر پاس کے حصے میں انڈر پاس چھوڑ کر دیگر امورسڑک،ڈرین وغیرہ مکمل کئے جارہے ہیں۔مجموعی پراگریس 20فیصد ہوچکا ہے۔چیئر نگ کراس انڈر پاس کی904پائلز میں سے240 مکمل ہوگئی ہیں۔ ریس کورس کی852پائلز میں سے270مکمل ہوگئی ہے۔دونوں انڈر پاسز کی پائلز کیلئے سٹیل کے (پائلز کیج)100فیصد مکمل ہوچکے ہیں۔چیئر نگ کراس کی294میٹر ریٹرننگ وال بنے گی۔ریس کورس کی316میٹر ہے۔جس میںسےچھ فیصد مکمل ہوگئی ہے۔آرمی قبرستان چوک کی ریٹرننگ وال125میٹر ہے جو مکمل ہوگئی ہے۔چیئر نگ کراس اور ریس کورس انڈر پاسز کی جنوبی سائیڈ ڈرین98 فیصدجبکہ آرمی قبرستان چوک میں48فیصد مکمل ہوئی ہے۔قبرستان سروس روڈ پانچ فیصد مکمل ہوچکی ہے۔چیئر نگ کراس اور ریس کورس پر دو ویٹ ویل بن رہے ہیں۔جن کی دیواریں80فیصد مکمل ہوچکی ہیں۔
اسلام آباد سے مزید