• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور، تنخواہوں کی عدم ادائیگی، صفائی کرنیوالوں کی ہڑتال

تازہ ترین
متفرق
24 فروری ، 2019
لاہور، تنخواہوں کی عدم ادائیگی، صفائی کرنیوالوں کی ہڑتال

لاہور میں صفائی کرنے والے عملے نے تنخواہوں کی عدم ادائیگی پر کام چھوڑ دیا ہے جس کی وجہ سے شہر میں جگہ جگہ کوڑے کےڈھیر لگ گئے ہیں ۔

لاہور ویسٹ مینجمنٹ کمپنی کے ملازمین تنخواہوں سے محروم ہیں،فنانس ڈیپارٹمنٹ نے تاحال فنڈز جاری نہ کیے جس پر ملازمین نے کام چھوڑ کر ہڑتال کردی۔

ہڑتال کی وجہ سے شہر کچرا منڈی بن گیا،،،جگہ جگہ کوڑے دان کچرے سے اٹے ہوئے ہیں ،کوڑے کی وجہ سے ہر سو بدبو جبکہ سڑکوں ،گلیوں سے گزرنا محال ہوگیا۔

ملازمین کا کہنا ہے کہ تنخواہوں کی عدم ادائیگی اور کٹوتی پر کام کرنا چھوڑرکھا ہے،تنخواہیں دیں پھر شہر صاف کریں گے۔

لاہور ویسٹ مینجمنٹ کمپنی حکام کا کہنا ہے کہ 26 فروری تک فنڈز ملنے کی امید ہے ،فنڈز ملتے ہی ملازمین کو تنخواہیں مل جائیں گی۔

تازہ ترین