سمجھوتہ ایکسپریس کیس، بھارتی عدالت نے 68 افراد کے قاتل بری کر دیے

20 مارچ ، 2019

سمجھوتہ ایکسپریس کیس،بھارتی عدالت نے ملزمان بری کردیے

سمجھوتہ ایکسپر یس دھماکا کیس میں مارئے گئے 68 افراد کے قتل میں نامزد 4 ملزمان کو بھارتی عدالت نے بری کردیا۔

2007ء میں ہونے والے دھماکے کا فیصلہ 12 سال بعد سامنے آگیا، بھارتی نیشنل انویسٹی گیشن ایجنسی (این آئی اے) کی خصوصی عدالت نے چاروں ہندو انتہا پسند ملزمان کو بری کردیا۔

عدالت نے اپنے فیصلے میں لکھا ہے کہ این آئی اے چاروں ملزمان کے خلاف کیس ثابت کرنے میں ناکام رہی ہے،اس لئے شک کا فائدہ ملزمان کو جاتا ہے۔

پاکستانی دفتر خارجہ نے سمجھوتا ایکسپریس کے فیصلے پر اپنے ردعمل میں کہا کہ دہشت گردحملے میں ملزمان کی بریت نہایت قابل مذمت ہے۔

ترجمان دفتر خارجہ ڈاکٹر فیصل نے کہا کہ سمجھوتا ایکسپریس پر دہشت گرد حملے میں42 سے زائد پاکستانی شہید ہوئےتھے۔

انہوں نے استفسار کیا کہ شہداء کے خاندانوں کو کیا جواب دیا جائے گا؟بھارت کا یہ اقدام انتہائی قابل مذمت ہے۔

تازہ ترین