آپ آف لائن ہیں
جنگ ای پیپر
ہفتہ9؍ربیع الثانی1441ھ 7؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سگریٹ نوشی پر پابندی کو تعلیمی اداروں میں بھی لاگو کروائینگے،وزیر صحت

اسلام آباد (خصوصی رپورٹ) وفاقی وزیر صحت عامر محمود کیانی نے کہا ہے کہ اسلام آباد کی بڑی عمارات میں سگریٹ نوشی ممنوع ہے، اس قانون کو یونیورسٹی اور کالجز میں بھی لاگو کروائیں گے، شیشے کی درآمد پر پابندی جیسے اقدامات کیے گئے ہیں۔ پیر کو سموک فری اسلام آباد کی تقریب سے خطاب کرتے ہوئے وزیر صحت نے کہا کہ ڈیڑھ لاکھ کے قریب بچے تمباکو نوشی کی وجہ سے اموات کا شکار ہوتے ہیں۔ انہوں نے کہا کہ اسلام آباد کوسگریٹ نوشی سے پاک بنانے کی کوشش کررہے ہیں ۔ نوجوانوں میں تمباکو کے استعمال کی شرح10.7فیصد ہے، اس لیے تعلیمی اداروں میں سگریٹ نو شی کے خاتمے کویقینی بنانا بہت ضروری ہے۔ وزیر صحت نے کہا کہ ادویات کی قیمتوں کے حوالے سے گیدڑ بھبکیاں نہ دی جائیں، حکومت عوام کو ریلیف دینے میں کوئی کسر نہیں چھوڑے گی۔

اسلام آباد سے مزید