وفاقی وزیر سردار علی محمد مہر انتقال کر گئے

وفاقی وزیر سردار علی محمد مہر انتقال کر گئے، خاندانی ذرائع کے مطابق آج علی الصبح سردار علی محمد مہر کی اچانک طبیعت خراب ہوئی تھی۔

خاندانی ذرائع کا مزید کہنا ہے کہ سردار علی محمد مہر کا انتقال حرکت قلب بند ہونے کے باعث خان پور مہر میں واقع ان کی رہائش گاہ پر ہوا۔

مرحوم سردار علی محمد مہر این اے 205 گھوٹکی 2 سے رکن قومی اسمبلی منتخب ہوئے تھےاور وزیر اعظم عمران خان کی کابینہ میں نارکوٹکس کنٹرول کے وزیر تھے، ان کی عمر 52 سال تھی۔

پرویز مشرف کے دور حکومت میں سردار علی محمد مہر 2002ء سے 2004ء تک وزیر اعلیٰ سندھ بھی رہے ہیں۔